Ermənistan-Azərbaycan qoşunlarının təmas xəttində tərəflərin razılığı ilə əməliyyatların dayandırılması və atəşkəsin elan olunmasına baxmayaraq, ermənilər atəşkəsi pozmaqda davam edir.
Aktual.az Report-a istinadən xəbər verir ki, erməni tərəfi Azərbaycan ordusunun işğaldan azad etdiyi əraziləri də mütəmadi olaraq atəşə məruz qoyur.
Azərbaycan Silahlı Qüvvələrinin hərbçiləri əməliyyat şəraitini nəzərə alaraq, düşmənə cavab atəşi endirir. Həmçinin, Azərbaycan ordusu işğaldan azad olunan ərazilərə nəzarəti gücləndirib və Silahlı Qüvvələrin bölmələri həmin ərazilərdə möhkəmləndirmə işlərini həyata keçirirlər.
