Film, şou və musiqi dünyasının məşhurları qazanclarını necə sərvətə çevirirlər? Kiminin yüzlərlə mənzili, kiminin ən lüks iqamətgahları, restoranları və s. var. 

Aktual.az 1xeber.com-a istinadən sərvətlərilə göz qamaşdıran məşhurları təqdim edir: 

"Kurtlar Vadisi" serialı ilə məşhurlaşan aktyor Necati Şaşmazın 50 mənzili və bir supermarketi var. Aktyor həmçinin 2 milyon 600 min dollarlıq dəniz mənzərəsi olan mülkə sahibdir. 

Türkiyədə ən zəngin sənətçilərdən biri də Sibel Candır. Təxminən 25 ildir səhnədə olan Sibel Canın İstanbulun müxtəlif yerlərində 50 evi oluğu bildirilir. Həmçinin Beykoz, Levent, Bodrumda, Mayaminin Vilyam adasında da villası var.

Uşaqlıqdan səhnələrdə olan türkiyəli müğənni Əmrahın sərvətinə Türkiyədə çox az insan sahibdir. Belə ki, qazancını daşınmaz əmlaka yatıran Əmrahın 200-ə yaxın evi var. 12 dükanı olan sənətçinin eyni yerdə 2 milyon dollar dəyərində bir idman kompleksi də var.
 
Gənc və sevilən aktyor Kıvanç Tatlıtuğ da qazancını daşınmaz əmlaka yatıran məşhurlardandır. Onun 700 min dollar dəyərində bir evi, Gümüşsuyu adlanan ərazidə dəniz mənzərəli villası, 3 milyon dollara aldığı üç dükanı var.