Prezident geylərin jurnalı üçün çəkilib

Aktual.az Ölkə.Az-a istinadən xəbər verir ki, ABŞ prezidenti Barak Obama cinsi azlıqlar üçün nəzərdə tutularn jurnalın üz qabığına çəkilən ilk dövlət başçısı olub.

Onun portreti gey dəbi və üslubuna əsaslanmış "OUT" jurnalında yayımlanıb. Şəklin üzərinə "Bizim prezident", aşağıda isə "Müttəfiq. Qəhrəman. İkona" yazılıb. Nəşr bunu tarixi an adlandırıb.

Xatırladaq ki, bu ilin iyun ayında Amerika Birləşmiş Ştatlarının Ali Məhkəməsi bütün ölkə ərazisində eynicinslilərin nikah hüququnu təmin edib.

Bu günə qədər Amerikanın yalnız 37 ştatında eynicinslilərin nikahına qanunla icazə verilirdi. Qərardan sonra isə bütün ölkə ərazisində evlənmək istəyən homoseksuallara yaşıl işıq yanacaq.