Qahirədə rəsmi səfərdə olan Ermənistanın baş naziri Nikol Paşinyan Misir Prezidenti Əbdülfəttah əs-Sisi ilə görüşüb.
Aktual.az "Sputnik Armenia”ya istinadən xəbər verir ki, tərəflər Cənubi Qafqazdakı vəziyyəti müzakirə ediblər.
Əbdülfəttah əs-Sisi regionda hərtərəfli və ədalətli sülhün əldə olunmasına ümid etdiyini bildirib.
Qeyd edək ki, N.Paşinyan Misirdə ikigünlük səfərdədir. O, bu ölkənin hökumət başçısı Mustafa Madbuli, Ərəb Dövlətləri Liqasının baş katibi Əhməd Abdul Qeyt, Kopt pravoslav kilsəsinin patriarxı II Tavadros, Əl-Əzhərin imamı şeyx Əhməd Məhəmməd Əl-Taliblə də görüşəcək.