Bu gün Xəzər dənizinin Türkmənistan sektorunda cəsədi tapılan neftçi Mübariz Qasımov torpağa tapşırılacaq.
Aktual.az AzNews.az-a istinadən xəbər verir ki, mərhumun dəfn mərasimi bu gün Tovuz rayonunun Aşağı Mülkülü kəndində keçiriləcək.
Xatırladaq ki, Mübariz Qasımovun cəsədi yanvarın 11-də Xəzər dənizinin Türkmənistan sektorunda tapılıb. Fövqəladə Hallar Nazirliyi və SOCAR-ın “Azneft” İstehsalat Birliyi tərəfindən görülmüş birgə tədbirlər nəticəsində neftçinin meyidi ``BE-200ÇS`` amfibiya tipli təyyarə vasitəsi ilə ölkəyə gətirilib.
