Daxili İşlər Nazirliyi ölkədə törədilmiş qətllərlə bağlı məlumat yayıb.
Aktual.az nazirliyin saytına istinadən xəbər verir ki, polis və prokurorluq orqanları əməkdaşlarının həyata keçirdikləri əməliyyat-axtarış və istintaq tədbirləri nəticəsində mayın 2-də Bakı şəhər sakini Mirzə Hüseynovu qətlə yetirmiş paytaxt sakini, əvvəllər məhkum olunmuş Elçin Cavadov tutulub.
Bundan başqa mayın 5-də Xaçmaz rayonunun Xudat şəhərində yaşayan Fatma İbrahimxəlilovanın həyətində qonşusu Rafiq Şıxverdiyev münaqişə zəminində ona bıçaqla xəsarət yetirib. F.İbrahimxəlilova hadisə yerində ölüb.
Xaçmaz RPŞ əməkdaşlarının həyata keçirdikləri əməliyyat-axtarış tədbirləri nəticəsində R.Şıxverdiyev tutulub.
