Naxçıvan Muxtar Respublikasının Sədərək rayonunun düşmən ölkə sərhədində Ermənistan Respublikası vətəndaşının saxlanılması haqqında Naxçıvandakı mənbəmizdən məlumat daxil olub.

Yenicag.az-a daxil olan məlumatda deyilir ki, avqust ayının əvvəlində Sədərək rayonu ərazisinə Ermənistanla sərhəddən keçən erməni hərbiçilərimiz  tərəfindən saxlanılıb.

Ruhi xəstə olduğu ehtimal olunan 1954-cü il təvəllüdlü, Artaşat rayonunda yaşayan Henrik Agetyan Naxçıvan ərazisinə müalicə almaq məqsədi ilə gəldiyini deyib.

Ermənistanda acınacaqlı durumun hökm sürdüyünü və səhiyyə sistemlərinin bərbad vəziyyətdə olduğunu bildirən Agetyanın dediyinə görə, yaşadığı Artaşat rayonu ərazisində də yayımlanan Naxçıvan televiziyasında muxtar respublikanın səhiyyə və tibb ocaqları haqqında proqram izlədikdən sonra mualicə almaq üçün buraya keçmək qərarına gəlib.

Agetyan Ermənistanda müalicə olunmaq üçün həkim tapmadığını, bu məqsədlə də Sədərək rayonu ərazisinə keçdiyini deyib.

Mövzu diqqətimizdədir.