Sabunçu rayonunda oğurluq hadisəsi olub.

Aktual.az report-a istinadən bildirir ki, bu barədə Bakı Şəhər Baş Polis İdarəsinin (BŞBPİ) mətbuat xidmətindən məlumat verilib.

Belə ki, Sabunçu rayon Polis İdarəsinin (RPİ) 42-ci Polis Bölməsi (PB) əməkdaşlarının keçirdiyi əməliyyat-axtarış tədbirləri nəticəsində, yanvarın 29-na keçən gecə, Nardaran qəsəbəsində Bəxtiyar Məmmədovun evindən, pəncərəni sındırmaqla 2 ədəd kondinsioner, 2 ədəd su nasosu və 3 ədəd samovar oğurlamaqda şübhəli bilinən Nardaran qəsəbə sakinləri - 1997-ci il təvəllüdlü Nahid Yaqubov, 1999-cu il təvəllüdlü Vüsal Məmmədov, 2000-ci il təvəllüdlü Pərvin Qasımov və Elşad Kazımov tutulub.

Faktla bağlı araşdırmalar davam etdirilir.