Nardaran qəsəbəsi dörd bir tərəfdən hüquq-mühafizə orqanları tərəfindən mühasirəyə alınıb.

Aktual.az Trend-ə istinadən xəbər verir ki, qəsəbə sakini Natiq Kərimovun verdiyi məluamta görə, hazırda kimsənin qəsəbədən çıxmasına icazə verilmir: "Hazırda kənddə Daxili Qoşunların, həmçinin Daxili İşlər Nazirliyinin əməkdaşları, polislər var. Heç evdən çıxmağa icazə verilmir. Kənarla əlaqəmiz yoxdu, telefonlar işləmir".

Qeyd edək ki, bu gün səhər saatlarından başlayaraq Nardaran istiqamətində bütün yolla ciddi nəzarətə götürülüb.

Əraziyə hüquq-mühafizə orqanlarının əməkdaşları, eləcə də ağır zirehli texnika cəlb olunub.