Ermənistanın xarici işlər naziri Edvard Nalbandyan jurnalistlərin Qarabağla bağlı suallarını cavablandırmaqdan imtina edərək ictimaiyyətin bu barədə sabah ətraflı oxuya biləcəyini vurğulayıb.
Aktual.az AzVision.az-a istinadən xəbər verir ki, bu müəmmalı bəyanatı Nalbandyan Ermənistan parlamentinin xarici məsələlər üzrə komitəsinin qapalı iclasından sonra bildirib.
`İclasda Dağlıq Qarabağ məsələsi üzrə danışıqlar prosesi müzakirə olunubmu` sualına nazir belə cavab verib: “Təbii ki. Xarici məsələlərdən danışarkən necə Dağlıq Qarabağ məsələsinə toxunmamaq olar? Bütün məsələlər müzakirə olunub”.
Nalbandyanın sözlərinə görə, AŞPA-nın qış sessiyasında anti-erməni qətnaməsi də müzakirə olunub.
