Milli Televiziya və Radio Şurası (MTRŞ) dünən gecə saatlarında uşaq kanalı olan "Günəş" TVdə yayımlanan "Mən yaramazam" cizgi filmində təhqiramiz ifadənin işlədilməsinə münasibət bildirib.

Aktual.az Report-a istinadən xəbər verir ki, MTRŞ-nın Aparat rəhbəri Toğrul Məmmədov deyib ki, həmin cizgi filmi gecə saat 00:40-da efirə getdiyi üçün burada hüquqi cəhətdən qanun pozuntusu yoxdur: "Cizgi filmi gecə saat 23:00-dan sonra yayımlandığı üçün qanun pozuntusu yoxdur. Amma yenə də MTRŞ efirdə bu cür ədəbsiz ifadələrin işlədilməsini məqsədəuyğun hesab etmir. Buna görə də kanal rəhbərliyinə bu cür ifadələrin efirə verilməməsi ilə bağlı tövsiyə olundu. Kanalın rəhbərliyi bildirdi ki, cizgi filmi gündüz saatlarında efirə gedəndə həmin hissə kəsilib. Gecə saatlarında proqrama nəzarət edən şəxs cəzalandırılıb. Rəhbərlik bir daha bu cür hallara yol verilməyəcəyini bildirilib".