Moskvadan Ukraynaya cavab yumurtayla gəldi

Moskvadan Ukraynaya cavab yumurtayla gəldi

İyunun 11-nə keçən gecə 100-ə yaxın gəncdən ibarət qrup Ukraynanın Moskvadakı səfirliyinin binasının qarşısında toplaşıb.

Aktual.az azvision.az-a istinadən bildirir ki, etirazçılar binanın ərazisinə "yad cisimlər" və yumurta atmağa başlayıb, daha sonra heç bir müdaxilə olmadan ərazidən uzaqlaşıblar.

Hüquq-mühafizə orqanlarından bildirilib ki, aksiya zamanı güc tətbiq edilməyib, polis heç kimi saxlamayıb. Məlumatda qeyd olunur ki, nə xüsusi təyinatlılar, nə də Rusiya qvardiyası hadisə yerinə göndərilməyib.

"Hər şey ani, bir neçə dəqiqə ərzində baş verib. Bina mühafizəçiləri təmkinli davranıblar. Baş verənlərlə əlaqədar polisə müraciət edilməyib", - Mənbə bildirib.

Xatırladaq ki, Ukraynanın millətçi "Sağ Sektor" təşkilatının üzvləri Odessa şəhərindəki Rusiya Baş konsulluğunu mühasirəyə aldıqları haqda məlumat vermişdik.

Xəbər 283 dəfə oxunub.

YAZARLARIMIZ

SEÇİLMİŞ

SON XƏBƏRLƏR