Bu gün "Avro-2016"nın seçmə mərhələsinə yekun vurulacaq.
Qol.az-ın məlumatına görə, H qrupunda qərarlaşan Azərbaycan millisi qrupda son matçına çıxacaq.
Robert Prosineçkinin komandası səfərdə Bolqarıstanın qonağı olacaq. Bu görüş hər iki komanda üçün formal xarakter daşıyacaq. Lakin yığmamız qalib gələcəyi təqdirdə Bolqarıstanı üstələyərək turnir cədvəlinin 4-cü pilləsinə yüksələcək.
Qeyd edək ki, Azərbaycan və Bolqarıstan yığmaları arasında Bakıda baş tutan görüşdə qonaqlar qələbəyə seviniblər - 1:2.
13 oktyabr
"Avro-2016"nın seçmə mərhələsi, son tur
23:45. Bolqarıstan - Azərbaycan
Hakimlər: Tomaş Boqnar, Peter Beretyan, Qabor Eros və Teodoros Georgiu (hamısı Macarıstan)
Sofiya. "Vasil Levski" stadionu.
