Milli Məclisin dekabrın 4-də keçiriləcək növbəti plenar iclasının gündəliyi açıqlanıb.

Aktual.az AzVision.az-a istinadən xəbər verir ki, iclasın gündəliyinə 7 məsələ daxil edilib.

İclasda "Dini ekstremizmə qarşı mübarizə haqqında" qanun layihəsi müzakirə ediləcək. Həmçinin "Azərbaycan respublikasının vətəndaşlığı haqqında", "Dini etiqad azadlığı haqqında", "Polis haqqında" qanun layihələrinə, eləcə də Cinayət və İnzibati Xətalar məcəllələrinə dəyişikliklər müzakirəyə çıxarılacaq.

Qeyd edək ki, “Dini ekstremizmə qarşı mübarizə haqqında" qanun layihəsi yeni hazırlanıb.