Harvard Tibb Məktəbinin keçmiş əməkdaşı Sedrik Lodka donor orqanlarının insan qalıqlarını satmaqda ittiham olunub.
Aktual.az-ın Elchi.az-a istinadən xəbərinə görə, məlum olub ki, meyitxananın keçmiş rəhbəri Sedrik Lodka universitetin tibb fakültəsindən oğurlanmış insan bədən hissələrini alıb satan böyük ümummilli şəbəkənin bir hissəsi olub.
2018-2022-ci illər arasında Lodka və həyat yoldaşı Denis Lodka cəsədləri oğurlayaraq, baş, beyin, dəri və sümük kimi hissələri çıxarıblar və cinayət ortaqlarına satıblar. Onlar həmçinin alıcılarına meyitlərin bədən üzvlərindən hər hansı birini seçməyə də icazə veriblər.
Əsas alıcılardan biri olan Katrina Maklin 600 dollara iki insan siması almağa razılaşıb.