Bakı metrosunda təhlükəsizlik tədbirləri ən yüksək səviyyədə gücləndirilib.

Aktual.az Azvision.az-a istinadən xəbər verir ki, bütün metro stansiyalarında sərnişinlər bir-bir yoxlanılır.

Şübhəli sərnişinlər saxlanılır, çantalarına baxış keçirilir. Kimliyindən aslı olmayaraq, çantalarda təhlükəli əşyaların olub-olmaması araşdırılır.

Metronun “Sahil”, “İçəri şəhər”, “28 May”, “Nəriman Nərimanov", ”Ulduz", “Əzizbəyov”, “Neftçilər”, “Xalqlar dostluğu” metro stansiyalarının giriş qapılarında dayanan polislər sərnişinlərin çantalarını yoxlamadan içəri buraxmırlar.

Polis əməkdaşları metroda təhlükəsizlik tədbirlərinin gücləndirildiyini bildiriblər. Onlar bu barədə rəhbərlik tərəfindən ciddi tapşırıq aldıqlarını deyiblər.