Müğənni Mətanət İsgəndərlinin keçmiş MTN generalı Akif Çovdarovun məhkəməsində iştirakı gözlənilir.

Aktual.az aznews.az-a istinadən xəbər verir ki, bu barədə politika.az saytı məlumat yayıb. Sayt iddia edir ki, buna səbəb ABU-nun sabiq rektoru Elşad Abdullayevin qardaşı Mahirlə Mətanətin münasibətlərinə görə Çovdarovun pul tələb etməsi ola bilər.

Bundan əlavə, müğənninin adı E. Abdullayevin qardaşı Mahir Abdullayevin oğurlanmasında Çovdarovla əlbir olmaqda hallandırılır.

Mətanət İsgəndərlinin mətbuat katibi Zəminə Rüstəmova məsələ ilə bağlı AzNews.az-a açıqlamasında sözügedən məlumatın yalan olduğunu deyib: “Bununla bağlı Mətanət xanımla danışdım. Dedi ki, “olmayan bir işi adıma yazmayın. Mənə məhkəmədən heç bir çağırış gəlməyib. Mənim adımı bu işdə hallandırmağı mətbuata qəti qadağan edirəm””.

Aktual.az