Futbol dünyası əfsanəvi futbolçu Yohan Kruyffun ölümünə sarsılıb. "Uçan holland"ın məşqçilik fəaliyyətində "Barselona" mühüm yer tutur. "La Masia" akademiyasından istedadlı gəncləri seçməkdə müstəsna rola malik olan Kruyff ötən əsrin 90-cı illərində Çempionlar kubokuna sahib güclü bir "Barsa" formalaşdırmışdı.
Aktual.az goal.az-a istinadən xəbər verir ki, katalonların argentinalı ulduzu Lionel Messi də Kruyffu sosial şəbəkə vasitəsilə yad edib.
"Onun ölüm xəbərindən çox kədərləmişəm. Kruyffu futbol tarixində ən yaxşı oyunçulardan biri hesab edirəm. "Barsa"da oynamağımız Kruyffun sayəsindədir. Daha bir əfsanə bizi tərk etdi" - Messi qeyd edib.
