Məşhur amerikalı yazıçı Edqar Lorens Doktorou dünyasını dəyişib.
Aktual.az xəbər verir ki, yazıçı 84 yaşında, Nyu-Yorkda ağciyər xərçəngindən həyatını itirib. Edqar 50 illik karyerasında 10 roman, 1 teatr tamaşası, 2 hekayələr kitabı və bir çox məqalə müəllifidir. Yazıçının ölüm xəbərindən sonra ABŞ prezidenti Barak Obama “Twitter” hesabından başsağlığı verib:
“Kitabları mənə çox şey öyrədib. Onun üçün darıxacağıq”.
Qeyd edək ki, Edqar Lorens Doktorou “Folkner Mükafatı” və ABŞ Konqresi Kitabxanasının “Amerika ədəbiyyatı mükafatı”nın sahibidir.
