Şotland əsilli məşhur televiziya aparıcısı 38 yaşlı Miçelle Wattın evində ölü tapılması media sektorunda şok təsiri yaradıb.

AzNews.az xəbər verir ki, "60 dəqiqədə mübadilə” proqramının aparıcısı olan Miçelle Watt yaşadığı Şotlandiyanın Stirlingshire bölgəsindəki evində ölü tapılıb.

O, həmin evdə həyat yoldaşı 45 yaşlı Paul Kerr və beş yaşlı qızı Jaymi ilə birlikdə yaşayıb. 

Polis Wattın ölümündə şübhəli bir vəziyyət olmadığını açıqlayıb. Məşhur televiziya işçisinin intihar etdiyi güman edilir.

Miçelle Watt məşhur yüngül çəkili boksçu Jim Wattla Marqaretin qızıydı. Boksçu Jim Watt 1995-ci ildə də 17 yaşlı oğlu Jimi də bir yol qəzasında itirmişdi.

Miçelle Watt bir çox televiziya layihəsində vəzifə almışdı. Onu tanıyanlar sosial mediada "Gözəl qadın və gözəl bir ana idi", "Çox kədərlidir. Miçelle bağlı bütün xatirələrim yaxşı idi”, “Səmimi, işləməyi sevən biri idi" kimi fikirlər yazıb.

Aktual.az