2018-ci ildə Fransa Prezidenti Emmanuel Makron Teleqramın həmtəsisçisi Pavel Durova şirkətin baş ofisini Parisə köçürməyi təklif etmişdi.
Aktual.az xəbər verir ki, bu barədə "Uoll Strit Jurnal” mənbəyə istinadla məlumat yayıb.
"2018-ci ildə nahar zamanı Makron Durova Teleqramın qərargahını Fransa paytaxtına köçürməyi təklif etmişdi. Eyni zamanda, Fransa lideri Durovla ona bu ölkənin vətəndaşlığının verilməsini müzakirə edib. Amma Durov şirkətin qərargahını Parisə köçürməkdən imtina edib”, - məlumatda bildirilib.