Yeni Zelandiyada keçirilən bir auksionda qeyri-adi hadisə baş verib.
Aktual.az qafqazinfo-ya istinadən xəbər verir ki, hərracda içi doldurulmuş ölü pişik çanta kimi satılıb. Belə ki, Kraystçerç şəhərində yaşayan taksidermist (heyvan doldurma mütəxəssisi) Kler Sörd yolda tapdığı pişik ölüsünü üç ay soyuducuda saxladıqdan sonra onu "sənət əsərinə" çevirmək qərarına gəlib. Ölmüş pişiyi çantaya çevirən K. Sörd daha sonra hərrac saytında auksion keçirib. Maraqla qarşılanan çanta 545 Yeni Zelandiya dollarına (təxminən 400 ABŞ dolları) satılıb.
