Daxili İşlər Nazirliyi Binəqədi rayonu ərazisindəki "Golden Water" MMC-nin "Lider-Cola" istehsalat sexində baş vermiş partlayışla bağlı məlumat yayıb.
Aktual.az Nazirliyə istinadın bildirir ki, iyulun 5-də saat 03 radələrində Binəqədi rayonunun Sulutəpə qəsəbəsində Bakı şəhər sakini Azər Kərimova məxsus “Golden Water” MMC-nin "Lider-Cola" istehsalat sexində quraşdırılmış, içərisində karbon qazı olan 4 tonluq dəmir çən partlayıb.
Hadisə nəticəsində xəsarət alan olmayıb, 1500-2000 kv.m ərazisi, hasarı dağılıb, inzibati binanın və yaxınlıqdakı 3 evin şüşələri sınıb, dam örtükləri yararsız hala düşüb.
