Lənkəranda bıçaqlanma hadisəsi qeydə alınıb.
Aktual.az xəbər verir ki, Lənkəran Şəhər Polis İdarəsindən anspress-ə verilən məlumata görə, şəhərin Zərifə Əliyeva küçəsində yaşayan, 1984-cü il təvəllüdlü Vüsal Möhübbət oğlu Əliyev şəhərin kiçik bazar adlanan ərazisində adı hələlik istintaqa məlum olmayan şəxs və ya şəxslər tərfindən bıçaqlanıb. Hadisəni törədən şəxslər dərhal ərazidən uzaqlaşıblar.
Yaralını ətrafdakıların köməyi ilə dərhal Lənkəran Rayon Mərkəzi Xəstəxanasının cərrahiyyə şöbəsinə yerləşdiriblər.
Xəstəxanadan verilən məlumata görə, yaralının vəziyyəti ağır olaraq qalır.
Faktla bağlı Lənkəran Rayon Polis İdarəsinin əməkdaşları araşdırmalara başlayıblar.
