Gümri şəhərində bir ailənin üzvlərinin qətlində şübhəli bilinən rus hərbçi Valeriy Permyakovun məhkəməsi Ermənistanda keçiriləcək.
APA-nın TASS agentliyinə istinadən verdiyi xəbərə görə, bunu Rusiya Dövlət Dumasının MDB, Avrasiya inteqrasiyası və həmvətənlilərlə əlaqələr üzrə komitənin sədr müavini Oleq Lebedev Ermənistanda deyib.
"İstintaq prosesinin Ermənistan ərazisində aparılması üçün Rusiya tərəfi əlindən gələni etdi. Məhkəmə prosesi Ermənistan xalqının istədiyi kimi, məhz Ermənistanda baş tutacaq", - deyə O. Lebedev bildirib.
Qeyd edək ki, ballistik ekspertiza təsdiq edib ki, Gümri şəhərində yaşayan Avetisyan ailəsinin üzvləri Rusiyanın V. Permyakova təhkim olunan silahdan bu ilin yanvarın 12-də güllələnib.
