Rusiya Ukrayna ilə münasibətlərin nizamlanmasında boş söhbətlərlə kifayətlənə bilməz, atəşkəs indi heç bir yerə aparmayan yol olardı, yekun hüquqi razılaşmalar tələb olunur.
Aktual.az xəbər verir ki, bunu Rusiya xarici işlər naziri Sergey Lavrov deyib.
"Artıq bu mövzuda çox danışılıb, prezident dəfələrlə bu mövzuya müraciət edib, o cümlədən canlı yayım zamanı, ondan əvvəl "Valday” klubunda və digər tədbirlərdə: boş söhbətlə kifayətlənmək olmaz. İndiyə qədər eşitdiklərimiz bir növ barışıq tapmağın zəruriliyindən bəhs edir və bu atəşkəsin Ukraynanın silahlarla təmin edilmək üçün vaxt qazanması, özlərini qaydasına salması, əlavə səfərbərlik etməsi və s. üçün lazım olduğunu gizlətmirlər”, - o bildirib.