Küveyt İrandakı səfirini geri çağırıb.
Aktual.az AzNews.az-a istinadən xəbər verir ki, buna səbəb Səudiyyə Ərəbistanının İrandakı diplomatik missiyasına edilən hücumlar olub.
Qeyd edək ki, yanvarın 3-də Ər-Riyad İranla diplomatik əlaqələrin kəsildiyini elan edib. Belə ki Səudiyyə Ərəbistanının Tehrandakı səfirliyinə və Məşhəddəki konsulluğuna nümayişçilərin hücumları olub. Nümayişçilər krallıq ərazisində şiə ilahiyyatçısı Nimr ən-Nimrin edam edilməsinə etiraz ediblər.
Yanvarın 4-də Bəhreyn və Sudan da İranla diplomatik əlaqələrin kəsilməsini elan edib. Birləşmiş Ərəb Əmirlikləri İranla diplomatik münasibətlərin səviyyəsinin aşağı endirildiyini elan edib.
