Rusiyanın 2024-cü ildə Parisdə keçiriləcək Olimpiya Oyunlarını gözdən salmağa çalışması ilə bağlı iddialar böhtandır.
Aktual.az xəbər verir ki, bunu Rusiya Prezidentinin mətbuat katibi Dmitri Peskov deyib.
"Bu, heç bir mübahisəsi və ya heç bir əsası olmayan tənqiddir. Təəssüf ki, getdikcə bu cür tənqidlərlə üzləşirik. Bunun reallıqla heç bir əlaqəsi yoxdur. Bu, tamamilə böhtandır”, - o bildirib.
Qeyd edək ki, "Forbes” Rusiyanın Fransada keçiriləcək Olimpiya Oyunlarına müdaxilə etməyi planlaşdırdığını və müvafiq informasiya kampaniyaları apardığını yazıb.