Nyu-Yorkda çıxışı zamanı amerikalı müğənni Beyonsun qulağından qan açılıb. Müğənni "Haunted” mahnısını oxuyarkən bunu hiss etsə də, ifasını dayandırmayıb.
Baş verən hadisə kameralara düşüb və "Twitter”də yerləşdirilib. Tamaşaçılar müğənninin dözümünə heyran qalıblar.
Oxu.Az bu barədə xarici KİV-ə istinadən xəbər verir.
"Hətta qulağından qan gəlsə belə, oxumağa davam edir. Kraliça”, - deyə "Twitter”də "BADGALDODO” adlı istifadəçi yazıb.
Beyonsun konserti oktyabrın 15-də "Tidal X 1015” xeyriyyə tədbirində baş tutub, konsertdə həmçinin Niki Minaj, Lorin Hill, Kommon və başqaları iştirak ediblər.
A.S.
