ABŞ prezidentliyinə Respublikaçılar partiyasından namizəd olan milyarder Donald Tramp Massaçusets, Alabama, Corciya və Tennesi ştatlarında keçirilən ilkin seçkilərdə qalib gəlib.
Bununla da Tramp 11 ştatın dördündə qələbə qazanıb. Onun əsas rəqibi Ted Kruz Oklahoma ştatında 5% çox səs toplaya bilib.
Bu barədə AzVision.az `CNN` telekanalına istinadən xəbər verir.
ABŞ prezidentliyinə Demokratlar partiyasından namizəd, sabiq dövlət katibi Hillari Klinton isə Virciniya, Corciya, Alabama, Massaçusets və Tennesi ştatında keçirilən ilkin seçkilərdə qalib gəlib.
Onun Demokrat partiyasından olan əsas rəqibi Berni Sanders isə doğma Vermont ştatında irəlidədir.
