ABŞ dövlət katibinin siyasi məsələlər üzrə köməkçisi Tomas Şennon martın 31-nə qədər Moskvada səfərdə olacaq.

Aktual.az AzVision.az-a istinadən xəbər verir ki, bu barədə Dövlət Departamentinin yaydığı məlumatda qeyd edilib

Bildirilib ki, dövlət katibi Con Kerridən sonra Şennon da Rusiya rəhbərliyinin nümayəndələri ilə görüşəcək.

Dövlət Departamentinin nümayəndəsinin ABŞ-ın Moskvadakı səfirliyinin təşkil edəcəyi bir sıra tədbirlərdə iştirak edəcəyi gözlənilir.

Qeyd edək ki, ötən həftə Con Kerri Moskvada iki günlük səfərdə olub.