Binanın üzərindəki yazılar dəyişilib.

Ləğv edilmiş Milli Təhlükəsizlik Nazirliyinin (MTN) binası Dövlət Təhlükəsizliyi Xidmətinin (DTX) istifadəsinə verilib.

Aktual.az-ın APA-ya istinadən  məlumatına görə, artıq binanın üzərindəki "Milli Təhlükəsizlik Nazirliyi" yazısı "Dövlət Təhlükəsizliyi Xidməti" ilə əvəzlənib. 

Qeyd edək ki, Azərbaycan Prezidenti İlham Əliyev 2015-ci ilin dekabrında Dövlət Təhlükəsizliyi Xidmətinin və Xarici Kəşfiyyat Xidmətinin yaradılması haqqında fərman imzalayıb.

Prezidentin sərəncamı ilə Dövlət Təhlükəsizliyi Xidmətinin rəisi vəzifəsinə Mədət Quliyev, Xarici Kəşfiyyat Xidmətinin rəisi vəzifəsinə isə Orxan Sultanov təyin ediliblər.