Qırğızıstan komandasının Parisdə keçirilən Olimpiya Oyunlarında çıxışının nəticələri respublika üçün çox uğurlu olub.
Aktual.az xəbər verir ki, bunu Qırğızıstan Prezidenti Sadır Japarov idmançılarla görüşündə deyib.
"Paris Olimpiadası ölkəmizin tarixində ən uğurlu və məhsuldar oldu. 16 idmançımızdan 6-sı vətənə mükafatla qayıtdı, medalların sayının iştirakçıların sayına nisbətinə görə Qırğızıstan 206 ölkə arasında birinci yeri tutdu. Olimpiadada Qırğızıstan komandasının heyətində 16 idmançı iştirak edib və ümumi medal sıralamasında 68-ci yerdəyik. Asiyanın 44 iştirakçı ölkəsi arasında 15-ci yeri tutduğumuzu nəzərə alsaq, bu nəticə bizim üçün xüsusi qürur mənbəyidir”, - Japarov bildirib.