Bakıda intihar hadisəsi baş verib.
Aktual.az APA-ya istinadən bildirir ki, Suraxanı rayon Polis İdarəsindən verilən məlumata görə, hadisə Ramana qəsəbəsində qeydə alınıb. Yanvarın 12-də "Şuşa şəhərciyi"ndə məskunlaşan 1967-ci il təvəllüdlü Quliyev Zəfər Salman oğlunun itkin düşməsi barədə polisə məlumat daxil olub. Bu gün isə onun Ramana qəsəbəsi ərazisindəki ağaclıqda asılmış meyiti tapılıb.
Faktla bağlı araşdırma aparılır.
