“Günəşli” yatağında baş verən hadisə zamanı itkin düşən neftçilərin axtarışları müvəqqəti olaraq dayandırılıb.

Aktual.az AzVision.az-a istinadən xəbər verir ki, bu barədə “Azneft” İstehsalat Birliyindən (İB) məlumat verilib.

Bildirilib ki, hava şəraitinin kəskin dəyişməsi ilə əlaqədar axtarışlar müvəqqəti dayandırılıb. Belə ki, hazırda həmin ərazidə dalğanın hündürlüyü 8-10 metrə çatır.

Qeyd olunub ki, hazırda “Günəşli” yatağında yanğın davam edir və yanğının söndürülməsi istiqamətində işlər davam etdirilir.

Xatırladaq ki, dekabrın 4-də saat 17:40 radələrində güclü tufan nəticəsində “Günəşli” yatağında faciə baş verib. Hadisə zamanı 33 nəfər xilas edilib, 7 nəfər həlak olub.

Hazırda 23 nəfərin axtarışı davam etdirilir.