İsveçrənin cənubunda yerləşən Tikino Kantonunda niqab (qara çarşab) və ya örtük taxan qadınlar təxminən 10 min frank cərimə ödəyəcək.

Aktual.az AzVision.az-a istinadən xəbər verir ki, Tikino federal kantonu qadınların çarşab geyməsini ya da örtük taxmasını qadağan edən qanunu qəbul edib.

Çarşab geyinmənin cinayət sayılacağı kantonda qadınlar 100 ilə təxminən 10 min frank arasında cəza ödəmək məcburiyyətində qalacaq. Qadağa turistlər üçün də keçərli olacaq və çarşab geyinən turistlər Kantona gəlmədən əvvəl gömrük ya da hava limanında qadağa ilə bağlı məlumatlandırılacaqlar.

Qeyd edək ki, Tikino Kantonu çarşab qadağası ilə bağlı qanunu 2013-cü ilində referendum çıxarmış və refrendumda “hə” qərarı verilmişdi.