Hadisə Sultanahmet meydanında baş verib

İstanbuldakı partlayışın canlı bomba terroru olduğu dəqiqləşib.
Aktual.az Lent.az-a istinadən xəbər verir ki, hadisə nəticəsində ən az 10 nəfər ölüb, 15 nəfər yaralanıb. Terrorçunun özünü turistlərin arasında partlatmaq istədiyi ehtimal edilir. Ancaq polisləri gördüyü üçün qəfil özünü partladıb. Hadisəni PKK terror təşkilatının törətdiyi ehtimal edilir.

12:50

Hadisə Sultanahmet meydanında baş verib

İstanbulun mərkəzi meydanlarından olan Sultanahmetdə güclü partlayış baş verib.

Aktual.az Lent.az-a istinadən xəbər verir ki, səbəbi hələ müəyyən edilməyən partlayış zamanı bir polis maşını aşıb. Hadisə nəticəsində onlarla polis yaralanıb. Sultanahmetdə olan jurnalistin dediyinə görə, hadisə canlı bombanın özünü partlatması nəticəsində baş verib. Onlarla ölü və yaralının olduğu bildirilir.