Burada avtomobili istənilən yerdən evakuasiya etmək üçün fərqli evakuatorlar var

İsraildə avtomobilin necə evakuasiya edilməsi ilə bağlı videoda maraqlı məqamlar var.
Aktual.az-ın Avtosfer.az-a istinadən məlumatına görə, məsələ burasındadır ki, burada avtomobilin parklanmasa formasından asılı olmayaraq, hər cür evakuator avtomobili var. Yəni, orada Azərbaycandakı kimi avtomobili yalnız öndən və ya arxadan sürüyüb səkiyə paralel vəziyyətdən evakuasiya etmirlər. Göründüyü kimi, evakuator avtomobili səkiyə paralel vəziyyətdə park edilmiş avtomobili yandan qaldırıb yük yerinə qoyur və yoluna davam edir. Ümid edirik ki, Azərbaycanda da evakuasiya prosesində təhlükəsizliyi təmin etmək üçün müasir evakuatorlardan istifadə olunması barədə qərar veriləcək. Bizdə bu vəziyyətdə dayanmış avtomobili evakuasiya edərkən bəzən texniki səhvlərə yol verirlər ki, bu zaman avtomobil sürünür və detallara zərər dəyir.