Milli.Az Milliyet-ə istinadən xəbər verir ki, İsrail radiosunun xəbərinə görə, Qərbi Qüdsdəki ofisində müsəlman din adamları ilə bir araya gələn Reuven Rivlin azanın səsucaldıcı ilə oxunmasını qadağan edən qanuna qarşı olduğunu və buna ehtiyac olmadığını ifadə edib.

Rivlinin bu qanun layihəsinin qəbul edilməməsi üçün əlaqədar şəxslərlə görüşəcəyinə söz verdiyi və "İsrail ibadət azadlığına hörmət göstərən bir dövlətdir və ölkədəki bütün azlıqlar üçün din azadlığı qanununa bağlıdır" dediyi bildirilir.

Xatırladaq ki, İsraildə "azanın səs-küy yaratdığı" iddiası ilə irəli sürülən azan qadağası ilə bağlı qanunun Qanunvericilik işləri üzrə nazirlik komissiyasında səsə qoyulması gözlənilirdi.