"Bakı 2017" IV İslam Həmrəyliyi Oyunlarında bu gün 9 idman növü üzrə mübarizə gedəcək.

Aktual.az  "Report"a istinadən bildirir ki, 4 növdə yeni medal dəstləri sahiblərini tapacaq.

Atletika / para-atletika və yarışlarının son günündə Azərbaycanın kişi təmsilçiləri daha çox medal qazanmaq imkanına malik olacaqlar. Qadınlar isə yalnız estafetdə çıxış edəcəklər.

Kişi sərbəst güləşçilər son 4 çəki dərəcəsində qalibləri müəyyənləşdirəcəklər. Azərbaycan təmsilçilərindən nəzərlər daha çox olimpiya və dünya çempionu Şərif Şərifovla (86 kq) Avropa və ikiqat dünya çempionu Hacı Əliyevin (61 kq) çıxışlarına yönəlib.

Uşu və zorxana növlərində mübarizəyə start veriləcək. Uşa üzrə 6 çəki dərəcəsində çıxış edən Azərbaycan təmsilçiləri ilk görüşlərini keçirəcəklər. Onların arasında "Kobra"ləqəbli Pərviz Abdullayevin döyüşü daha çox diqqət mərkəzində olacaq. Zorxanada isə komanda mübarizəsi üzrə qaliblər müəyyənləşəcək. Suya tullanma növündə də yalnız bir dəst medal qazanmaq imkanı var.

Basketbol 3X4 növündə 1/4 final görüşləri keçiriləcək. Həm kişilər, həm də qadınların yarışında Azərbaycanın rəqibi İndoneziya olacaq. Stolüstü tennisdə kişilər 1/4 final, qadınlar yarımfinal görüşünə çıxacaqlar.

Kişi voleybolçular arasında isə yarımfinal qarşılaşmalarına start veriləcək. Azərbaycan millisinin rəqibi Əlcəzair olacaq.

Qeyd edək ki, bu gün tennis yarışları da keçiriləcək. Amma Azərbaycan tennisçiləri elə ilk görüşdəcə uduzaraq, mübarizəni dayandırmaları səbəbindən oynamayacaqlar.

Atletika / para-atletika