Suriyanın qərbində yerləşən strateji əhəmiyyətə sahib Əl-Karyatayn şəhəri İŞİD terror təşkilatı tərəfindən ələ keçirilib.
Aktual.az xəbər verir ki, üç kamikadze avqustun 5-də şəhərin girəcəyində hökumət qüvvələrinin nəzarət-keçid məntəqəsi yanında partlayış törədiblər. Ardından terrorçular hücuma keçiblər. Şəhər uğrunda döyüşlərdə 37 suriyalı hərbçi və 23 İŞİD üzvünün öldüyü bildirilir.
Beləliklə, terrorçular Xoms şəhərinin şərqində yerləşən bölgələrdə nəzarəti bütövlüklə təmin ediblər.
