“İslam Dövləti” (İŞİD) terror qruplaşması norveçli və çinli iki xarici girovu olduğunu bəyan edib. Bu barədə Associated Press bildirib.

Aktual.az oxu.az-a istinadən xəbər verir ki, ekstremistlər sarı həbsxana geyimində olan iki kişinin şəklini dərc ediblər. Onlar dəqiqləşdiriblər ki, 48 yaşlı Oslo sakini Ole Yohan Qrimsqaard-Ofstad və 50 yaşlı pekinli Fan Tszinxuey onların əlindədir.

Terrorçular girovların azad edilməsi üçün pul istədiklərini bildiriblər. Fotolarda hər bir girovun qarşısında “Norveçli əsir. Satılır” və “Çinli əsir. Satılır” yazılan lövhələr var.