Öldürülənlərin ən azı 50-si qadın idi.

İŞİD terror qruplaşmasının döyüşçüləri İraq ali seçki komissiyasının 300 üzvünü edam edib.

Aktual.az oxu.az-a istinadən bildirir ki, bu barədə EFFE agentliyi yerli hüquq-mühafizə orqanlarına istinadən məlumat yayıb.

Terrorçular içərilərində ən azı 50 qadının olduğu əsirləri əl-Qazlani hərbi düşərgəsində güllələyiblər.

İraqın ali seçki komissiyası beynəlxalq ictimaiyyətə və BMT-yə mürəciət edərək, İraq vətəndaşlarının kütləvi qətlinə son qoyulamsında kömək istəyib.

Qeyd edək ki, İŞİD döyüşçüləri öldürülənlərin qohumlarına onların yaxınlarının məhkəməsinin keçirildiyinin və sonunculara ölüm hökmünün çıxarılması barədə məlumat vermişdilər.