Çin Xalq Respublikası İŞİD terror qruplaşmasına qarşı mübarizəyə qoşula bilər.
Aktual.az-ın APA-ya istinadən məlumatına görə, bu barədə "The Washington Times" qəzeti hərbi mənbələrə istinadən yazıb.
"Rəsmi Pekin terrorçular arasında Çin mənşəli silahlıların artmasından narahatdır. Ehtimallara görə, Çin ABŞ-ın rəhbərliyi ilə beynəlxalq koalisiyaya yox, Suriyada hərbi əməliyyat keçirən Rusiyaya qoşulacaq", məlumatda deyilir.
Qeyd edək ki, ötən ilin sonunda Çin Xalq Respublikasının sədri Si Tszinpin İŞİD terror təşkilatının silahlıları tərəfindən girov götürülən Çin vətəndaşının edamını qəti pisləyib, qətlin günahkarlarını cəzalandırmağa çağırmışdı.
