Prezident İlham Əliyev "Qarabağ" klubunun Bakıda Fransanın "Nant" komandasına 3:0 hesabı ilə qalib gəldiyi UEFA Avropa Liqasının qrup mərhələsinin II tur matçı ilə bağlı tviter hesabında paylaşım edib.
Aktual.az xəbər verir ki, paylaşımda deyilir:
"Qarabağ (Azərbaycan) - Nant (Fransa) - 3:0. Darmadağın! Qarabağ Azərbaycandır!"
Xatırladaq ki, "Qarabağ” klubu UEFA Avropa Liqasının qrup mərhələsində ilk qələbəsini qazanıb. G qrupunda yer alan komandamız Fransanın "Nant” klubunu qəbul edib. Tofiq Bəhramov adına Respublika Stadionunda keçirilən matçda Ağdam təmsilçisi 3:0 hesabı ilə qalib gəlib. "Qarabağ"ın heyətində Kvabena Ovusu, Abdullah Zubir və Marko Yankoviç fərqləniblər.
Xəbər 341 dəfə oxunub.
