Bu gün Azərbaycan Prezidenti İlham Əliyev Rusiya Baş nazirinin müavini Dmitri Roqozinlə görüşəcək.
Aktual.az AzNews.az-a istinadən xəbər verir ki, görüşdə Azərbaycan və Rusiya arasında hərbi-texniki əməkdaşlığın tənzimlənməsi məsələsi müzakirə olunacaq.
Dmitri Roqozinlə yanaşı “Rosoboroneksport” və Hərbi-texniki əməkdaşlıq federal xidmətinin nümayəndəsi də Bakıya gəlib.
Məlumata görə, Dmitri Roqozinin ölkəmizə səfəri xüsusi xarakter daşıyır və öncədən planlaşdırılmayıb. Görüş əsnasında Azərbaycanla Rusiya arasında illər öncə imzalanan silah müqavilələrinin həyata keçirilməsi məsələsi gündəmdə olacaq. Eyni zamanda görüşdə Rusiyanın Ermənistana 200 milyon dollar dəyərində silah krediti ayırması məsələsinin də müzakirə olunacağı istisna olunmur.
