Ötən gecə Yasamal rayonunda yol nəqliyyat hadisəsi baş verib.
Qəza rayonun Ə.Salamzadə küçəsində qeydə alınıb. Yol patrul xidmətinə məxsus "BMW" markalı avtomobil baş yolda hərəkətdə olarkən yardımçı yoldan qəflətən onun qarşısına "Renault" markalı avtomobil çıxıb. Bu zaman "Renault"ya dəyən "BMW" daha sonra "Toyota"ya çırpılıb.
Qəza zamanı xəsarət alan olmasa da hər üç maşına ciddi ziyan dəyib. Hadisə yerində Yasamal rayon Yol Polisi Şöbəsinin əməkdaşları gəliblər. Avtomobillər evakuatorlar vasitəsi ilə ərazidən uzaqlaşdırılıb. Faktla bağlı araşdırma aparılır.(APA)
