Azərbaycanda iki uşaq bədbəxt hadisə nəticəsində ölüb.
Aktual.az Daxili İşlər Nazirliyinin rəsmi saytına istinadən xəbər verir ki, bədbəxt hadisələrdən biri Ağcabədi rayonunda baş verib.
Belə ki, iyulun 16-da Ağcabədi rayonunun Kürdlər kəndində yaşayan Səmərqə Süleymanovanın evində Bakı şəhər sakini, nəvəsi, azyaşlı Zəhra Abıyeva pəncərəyə quraşdırılan dəmir barmaqlıqların arasında qalaraq boğulub.
Digər hadisə Xaçmazda qeydə alınıb. İyulun 16-da Xaçmaz rayonunun Məmmədxanlı İlxıçı kəndində azyaşlı Mirzəbəy Kərimov isə ehtiyatsızlıqdan su kanalına düşərək boğulub.
Hər iki faktla bağlı araşdırma aparılır.
