İnquşetiyada müəyyən edilməmiş partlayıcı qurğunun işə salınması nəticəsində iki polis əməkdaşı yaralanıb. APA-nın məlumatına görə, bu barədə “RİA Novosti”yə regional DİN-in mətbuat xidmətinin rəhbəri Cəbrayıl Şauxalov bildirib.
“Saat 19.00 radələrində Pliyevo və Açaluki yaşayış məntəqələri arasında yerləşən meşə zolağında əməliyyat-axtarış tədbirləri zamanı müəyyən edilməmiş partlayıcı qurğunun işə salınması nəticəsində iki polis əməkdaşı kontuziya olub”, deyə Şauxalov bildirib.
Hadisə yerinə əməliyyat qurumlarının əməkdaşları cəlb olunub, araşdırma aparılır.
Aktual.az
