Maliyyə Bazarlarına Nəzarət Palatasının (Palata) lisenziyasını ləğv etdiyi 4 kommersiya bankından 2-nin qiymətli kağızlarının Bakı Fond Birjasında (BFB) ticarəti dayandırılıb.
Aktual.az bildirir ki, BFB-dən report-a verilən məlumata görə, söhbət "Dekabank" ASC və "Parabank" ASC-nin alternativ bazar seqmentində təklif olunan səhm və istiqrazlarından gedir.
BFB-nin listinq qaydalarına uyğun olaraq, qurumun Listinq Komitəsinin qərarı ilə sözü gedən emitentlərin listinqdə olan aşağıdakı qiymətli kağızlarının delistinq edilməsi qərara alınıb:
| № | Dövlətqeydiyyatnömrəsi | Qiymətli kağızınnövü və forması | Emitentinadı | Bazarseqmenti |
| 1 | AZ1005005397 | adi, adlı səhm | "Dekabank" ASC | Alternativ |
| 2 | AZ1001003800 | adi, adlı səhm | "Parabank" ASC | Alternativ |
| 3 | AZ2003003806 | faizli, təmin edilməmiş, adlı istiqraz | "Parabank" ASC | Alternativ |
| 4 | AZ2004003805 | faizli, təmin edilməmiş, adlı istiqraz | "Parabank" ASC | Alternativ |
| 5 | AZ2005003804 | faizli, təmin edilməmiş, adlı istiqraz | "Parabank" ASC | Alternativ |
Delistinq qərarı bu qərarın açıqlanmasından iki ay sonra qüvvəyə miəcək. BFB həmçinin bəyan edib ki, lisenziyaları dayandırılmış "Kredobank" ASC və "Zaminbank" ASC-nin qiymətli kağızları BFB-də listinqdə mövcud deyil.
